( ޝަޒޫ/ލީން ) ރޭގަނޑުގެ ހަމަ ހިމޭން ކަމުގެ ތެރެއިން އަހަރެން ހިގަން ފެށީމެވެ.. ހިތައް ހަމަ ޖެހުމެއް ލިބޭނެ
ކަމުގެ އެއްވެސް އުއްމީދެއް އޮވެގެން ނެއް ނޫނެވެ. ކުޑަ ކުޑަ ހިނދުކޮޅަކަށް ނަމަވެސް ހިތައް ފިނިކަމެއް ލިބޭނެ ކަމުގެ އުއްމީދުގައެވެ. ހަނދުވަރުގެ ރީތި އަލިން މުޅި އަތިރިމަތި ވަނީ ދިއްލާލާފައެވެ. އަހަރެން ނޫން އެހެން މީހެއްގެ އެއްވެސް ހިލަމެއް ފެނޭތޯ އަހަރެން ހޯދާލީމެވެ. މަޑުމަޑުން ވެލިގަނޑު މަތީގައި އިށިއިނދެލީމެވެ. ފުން ނޭވާއެއް ބޭރުކޮއްލުމަށްފަހު އަހަރެން ލޯ މަރާލީމެވެ. އަދި އަހަރެންގެ އެންމެ ޒުވާންދުވަސްވަރުގެ ސަފުހާތަކުން ސަފުޙާއެއްގެ ތެރެއަށް ފީނައިގަނެވުނެވެ.
